Роман об Александре Македонском по русской рукописи 15 века - Ботвинник М.Н.
Скачать (прямая ссылка):
оруЖНЫХ ВОИН, И И Приведе КО Александру В Дар 100 ТЫСЯЩЬ КОНеЙ ИЗ- л. Ш об.
бранных и тысящу тысящь камили натоваряны, еже на потребу, и диадиму царьскую многоценную подасть емуа от Роксаны царица, и 1000 талант злата. Александр же о пришествии Филонове радостен бысть велми. Макидоняне, слышавше пришествие Филоново, радостны притекоша, а индеяне убояшася велми. ч
Филон же, ту стоя, рече ко Александру: «Велики царю царем, превоз-любленый мой господине Александре, не подобаеть тебе с Пором би||тися ш царем, много бо подручных царей тебе есть, яко же Пор царь. Мне подобает с ним битися, а тебе не подобает, он бо есть индейскый царь, а аз по твоей милости персом царь. Перское царство Индейскому точно есть бяше, елико бо Пор прямо нас стоить, толика воиньства его храбрейши бывають». Александр же к нему рече: «Порова, Филоне, воиньства силна суть зело, река же суть непреходна есть конскыми ногами». Филон же рече к нему: «Десница макидонская непоколебима есть, макидонскым бо конем ни едина река не стоить; именем твоим облеци мя, молитвою тво||ею л. ш об. вооружи мя, именем твоим, царю Александре, не постоять тебе ни горы, ни рекы, много бо можеть имя силна царя». Александр же к нему рече: «Яко же ты хощеши». И тако Александр тысящу тысящ дасть ему людей оружных и пешець другую тысящу тысящ. Филон же повеле всякому коннику пешца за собою взяти с мечем да с щитом. В кый час Порова воинства обедати начаша, тогда Филон, челом ударив Александру, чрес реку прескакавше, на поле предние свалишася, а задние яко по суху преидоша.153і Прешедши же реку, и пешци на кони вседоша,154 Il около Порова воинства 142: сечю велику сътвориша конници и пешци. Александр же Филонове хра-
4?'
52
Александрия
брости подивися, и воинству своему вооружатися повеле, и реку преиде. Индеяне же стужишасяа и бегати начаша. Александрова же воинства по-стигаху их и многих ухватаху, и ту Порова воиньства убиша макидоняне тысящу тысящ и седмьсот.
Пору же з бою бежащу и, проплакася, рече: «Увы мне, окаанному Пору, како силние падоша, а немощни въсташа и препоясашася силою!
л. 142 об. Како сия макидонскы отрок силу мою раздруши, как Il и Дариеву силу раз-друши!». Александр же на окол, рекше стан, пришед и пленити землю Индейскую посла. Пор же ва восточный град свой прибег, в Лиюполь,155 и ко околним градом и языком посла грамоты, глаголюще сице: «Ведомо да есть вам, друзи мои и братие, яко макидонскый отрок всю вселеную приал есть, а Дария царя убил, и до нас доиде, трижды мя разбил, а силу мою раздрушил, Анфилон реку преиде и царство мое пленуеть. Да молю вас, на помощь ко мне приидите, аще бо мене разбиет и разорить, вы вси не мо-л. из жете постояти противу е||му». Сия же языци слышавше вси, иже на се-верской стране, к Пору на помощь приидоша 6000 тысящ, Поровы же четыре тысящи тысящ, и тако на бой направишася. Сшедшим же ся воинь-ством супротиву себе, Александр же к Филону рече: «В посолстве к Пору пойди с грамотою, имуще писание сицево: „Александр, царем царь, Пору, индийскому царю, пишу, радоватися! Ce ведомо да есть тебе, яко преклонены главы мечь не сечеть. Аще бы Дарей преклонился мне, всему бы своему господин был и живот свой имел бы в Перейде, во своем царстве,
jv. 143 об. невредим. Да и ты се Ilго гордыне подобяся, превозносишися много, не веси ли убо, яко всяк возносяйся а смирится, а смиряяися вознесется. Учитель еси был индеяном, но безумно их проводиши на заколение макидоня-ном. Почему ти не мили суть индеяне? Неподобно есть за Александра и за Пора всему свету опустети. А нынеча убо аз да ты бьевеся: да аще ты мене убиеши, то господин всем моим будеши, аще ли аз тебе убию, по правде всем твоим господин буду, и всей Индеи. Аще ли животу своему л.144 рад еси, буди царствуя землею своею, мне же да||ни давай и воиньство посылай ко мне, и в дар единого царевича пришли ко мне"». И сию грамоту взем, Филон к Пору отъиде.
Пор же грамоту прием, пред индеяны прочет, и радостен бысть о сем рек: «Аз есмь, Александре, готов с тобою битися, а воинства наша по странам стоять». К Филону рече: «Ты ли еси Перейде господин, а Дариев наместник?». Филон же рече к нему: «Аз есмь Филон, Дарьев наместник, Александром царем любим, и персом господин и ближний сусед фиником и Еллинской земли». Пор же к нему рече: «Ныне уже царствовати не имать
л. 144 об. Александр, от руки бо Il моея умрети имат, и ты убо животом своим промышляй, мой ты, Филоне, буди, и персом царь буди до кончины живота своего и моего, во Индеи четвертую ти часть дам». Филон же к нему рече, яко «И ныне царь есмь персом, и ты даеши ми четвертую часть Индеи, Александр же всю Индею дал есть мне: егда ю приимет, тогда мя царя сътворит в ней». Индеяне же ту стояще, к Филону рекоша: «Почто силну
Текст
53
господину тако глаголеши?». Филон рече: «Силна господина и посол волен и верен слуга, срама не имать». Пор же к Филону рече: «Буди мой, и дщерь мою дам за тя и по смерти моей всю Il Индею дам ти». Филон же, л. us отвещав, рече: «Веруй ми, Поре, никто же не может мя разлучити от любве Александровы, вес бо мир не достоин есть единому власу, отпа-дающи от главы его». И сие рек, Филон к Пору рече: «Спей на бой борзо, жде бо тя Александр на великом коне, и во всем оружии своем». И отъиде к Александру.
