Роман об Александре Македонском по русской рукописи 15 века - Ботвинник М.Н.
Скачать (прямая ссылка):
Дарию же на вечери седшу с своими велможами,6 Александра же на месте посольском посади противу себе и ясти поставиша, и пити начаша. Поставиша пред Александром чашу злату, и взем испи ю, и в недра своя л. 96 скры ю. Тогда возвести II слуга сия Дарию. Дарей же другую повеле принести пред него. Александр же и ту испив, в недра своя скры ю. Един же от велмож Дариевых ко Александру рече: «Не подобает, на царьском столе седя, тако творити». Александр же к нему рече: «У господина моего, Александра царя, всяк первую чашу и вторую всяк человек посол себе взимает». Сия же перси слышавше и подивишася.
Кандаркус же рече, именем его же Дарей посылал бяше госьподьство-вати на Олександрове месте, и той с вечеря въстав, к Дарью рече: «Ведомо ти буди, царю, яко днесь бози всю волю твою свершиша». Он же л. 96 об. рече: «Како есть?». КандаІІркус же рече: «Си макидонскый посол сам Александр есть сын Филипов». Дарей же, радости наполнися, рече к нему:
Текст
35
«Аще сие истинна есть, аз всему свету нарекуся самодержець». Кандаркус же рече: «Аще сия истинны не будет, главу мою мечем да отсечеши». Кандар-кусу же о том глаголюще к Дарию, Александр же, разумев прежняя, перстня искаше в калитце своей волховнаго, иже взял в Трое египетскыя царица. Егда же той перстень налагаше на руку свою, тогда невидим бы-ваше.116 Дарей же радости наполнися, рече ко Александру: «О человече, прилична ми тя глаголю||ть ко Александру». Александр же к нему рече: л. 97 «Поистинне, великый царю, Александр царь приличия ради любит мя зело, приличен бо еемь к нему, мнози бо мне кланяхуся, яко же Александра чающе».
И тако в размышление прийде царь, и не а повеле его поймати. Стол же ногою своею отрину, Дарей в ложницю свою поиде, съвещати хотя, како его поймати, свещи же те за Дарием в ложницу внесоша. Александр же с велможами велицими вкупе оста в полате, перстен же волховный на руку свою положи и тако к вратом града отъиде скоро, чашу злату из недр своих Il изем и вратарю дасть, рече: «Возми чашу сию, держи,117 л 97 об Дарей царь посла мя стражи утвердити». Тако отвори ему двери вратарь. Та же к другим вратом приспе и другую чашу вратарю дасть и рече ему: «Возми чашу сию, держи, Дарей царь посла мя стражи крепко утвердити». И тако скоро отверзе ему врата, из града изшед, на великого коня всед, на Арисинорскую рекуа с светом вдруг6 приспе и сию померзшу обрете, и на ону страну рекы прийде, рече, и ту его сретаху макидоняне с Антиохом, и с Филоном, любимым его, и Птолол*еем.в Исповеда !I им л 98 вся Александр, яже ему в Перейде прилучишася.
Дарей же в ложницу свою иде, дванадесят велмож своих призвав, рече глаголя: «Ведомо да будет вам, яко сий макидонскый посол сам есть Александр». Они же к нему рекоша: «Аще сия истинна есть, то бози персти умилосердишася на ны». Дарей же повеле Кандаркусу, ксилидон-скому царю,118 Александра поймати. Он же свещи великы взем и к вели-цей полате идяше, искаше его и много о нем вопрашаше и не обретоша, ко вратом же града текоша, вратаря вопросиша, глаголя. Вратариа же к ним рекоша, яко: «Две чаши златы || в час сий человек принесе к нам». л. 98 об И рече: «Зде воинство оставив, отъиде глаголя, яко „Дарей царь посла мя стражи урядити и воеводу послати к ним"». Кандаркус же, лукавьствие Александрове познав, триста добрых конник с собою взем, на реку Арси-норскую приспе, солнцю восходящу, и обретоша реку растаавшу, Александра об ону страну узревше яздяще, и посрамишася. Александр же к ним рече: «Почто ветра гоните, еже стичи не можете? Но возвратив-шеся, царю своему рцете: „На чти твоей хвалим тя, готов же буди с всеми воинствы у Арсинорскиа рекы на бо||рзе"». И сие рек, В ВОИНЬСТВО СВОЄ л. 99 отъиде.
Дариевы же велможи взад възвратишася и вся ему възвестиша о Александре Дарью. Река бо Арсинорская во вся нощи померзаше и на всякий день растааше течет, камение и песок течет с водою. Дарей же
3*
36
Александрия
царь, лукавьствие Александрово видев, жалостно проплакався, рече: «Видите ли, коликою прелестию прельсти нас сын Филиппов и землю нашу прием и царства наша взял? О неверна мня и неуставная чести, како человеком преже сладка являшеся!».
И сия рек, к Пору, индийскому царю, грамоту посла, сицево писание л. 99 об. имеюще: «Иже в бозех Il богу, всем царем царю великому индейскому Пору — Дарей, перский царь, окаанный, неловный и унылый, радоватися. Тебе пишу, да пришло есть в слух царствия твоего, еже пострадах окаанный аз. Некий бо от макидонян отрок, Александр именем, изби нас, госьподскы наехав, и вся страны царствия моего взял и до Вавилона града ко своей западной стране приложи. И сего персяне видевше, убояшася зело и противитися не могуть, дважды мя разби и силу мою раздруши. Да о сем молюся преумножеиому ти величеству — нас не презрети, но по-л. loo мози Il нам и руку помощи дай, да третицею на бой иду противу ему, да или побежю их, или от них почтена будет ми смерть. Ведомо да есть всем, яко непобедима и непоколебима есть сила твояа индийская, ты же токмо по бозе еси, да милостив буди унылыми моими жолбами,6 воиньство ко мне посылай, и оборони мя от работных мне макидонян, и оздрави мя от болезней моих». Пор же грамоту Дариеву прием и сию прочет, главою покива и рече: «Несть на земле радости, иже не приложится на жалость.
